உ.பி.: ராகுல் காந்தி - மாநில அமைச்சர் இடையே வாக்குவாதம்

உத்தர பிரதேசத்தில் மத்திய அரசின் திட்டங்கள் தொடர்பான ஆய்வுக் கூட்டத்தில் மக்களவை எதிர்க்கட்சித் தலைவர் ராகுல் காந்திக்கும், அந்த மாநில அமைச்சர் தினேஷ் பிரதாப் சிங்குக்கும் இடையே கடும் வாக்குவாதம் ஏற்பட்டது.

- 

ரேபரேலி, செப். 13:

உத்தர பிரதேச மாநிலம் ரேபரேலியில் உள்ள ஆட்சியர் அலுவலகத்தில் மாவட்ட வளர்ச்சி ஒருங்கிணைப்பு மற்றும் கண்காணிப்புக் குழுவின் கூட்டம் கடந்த 11ஆம் தேதி நடைபெற்றது. மத்திய அரசின் திட்டங்கள் தொடர்பாக ஆராய்வதற்கு நடைபெற்ற இக்கூட்டத்தில் இக்குழுவின் இணைத் தலைவரும் அமேதி தொகுதி எம்.பி.யுமான கிஷோரிலால் சர்மா, மக்களவை எதிர்க்கட்சித் தலைவர் ராகுல் காந்தி, சில எம்.எல்.ஏக்கள் உள்ளிட்டோர் பங்கேற்றனர்.