சிவகாமிபுரத்துக்கு அடிப்படை வசதிகள் தேவை

ஆட்சியரிடம் மக்கள் மனு

- 

திருநெல்வேலி, ஜூலை 21: திருநெல்வேலி மாவட்டம், பாப்பாக்குடி ஊராட்சி ஒன்றியத்துக்குள்பட்ட சிவகாமிபுரம் மக்கள், தங்களுக்கு அடிப்படை வசதி வேண்டும் என வலியுறுத்தி ஆட்சியரிடம் மனு அளித்தனர்.

திருநெல்வேலி மாவட்ட மக்கள் குறைதீர் கூட்டம் ஆட்சியர் இரா.சுகுமார் தலைமையில் ஆட்சியர் அலுவலகத்தில் திங்கட்கிழமை நடைபெற்றது. இக்கூட்டத்தில், திருநெல்வேலியை அடுத்த பேட்டை வாகைக்குளம் அண்ணாநகர் மக்கள் அளித்த மனு: நாங்கள் அண்ணாநகர் 18-ஆவது வார்டில் சுமார் 45 ஆண்டுகள் குடியிருந்து வருகிறோம். எங்களுக்கு வரன்முறை பட்டா வழங்குவதற்கான படிவத்தை கடந்த பிப்ரவரி 19-ஆம் தேதி கிராம நிர்வாக அலுவலர் எங்களிடம் வழங்கினார். அதில் ஒரு குடும்பத்திற்கு இரண்டு சென்ட் இலவசமாக வழங்கப்படும் என்றும், ஒரு சென்டுக்கு பணம் கட்ட வேண்டும் எனவும் மாநகராட்சி ஆணையர் தெரிவித்தார்.

இதுதொடர்பாக அதிகாரிகள் ஆய்வு செய்து, 3 மாதங்களாகியும் நடவடிக்கை இல்லை. எனவே, எங்களுக்கு வரன்முறை பட்டா வழங்க உத்தரவிட வேண்டும்.