முதியவர்கள் சிகிச்சை பெறுவதில் எதிர்கொள்ளும் தடைகள்

இந்தியாவில் புற நோயாளிகள் சிகிச்சைக்கு சுமார் 15 கி.மீ. தொலைவும், மருத்துவமனையில் சேர்ந்து உள்நோயாளியாக சிகிச்சை பெற சுமார் 44 கி.மீ. தொலைவும் முதியவர்கள் பயணிக்க வேண்டியுள்ளதாக லான்செட் பிராந்திய சுகாதார (தெற்காசியா) ஆய்விதழில் தெரிவிக்கப்பட்டுள்ளது.

- 

புது தில்லி, ஏப். 23: இந்தியாவில் புற நோயாளிகள் சிகிச்சைக்கு சுமார் 15 கி.மீ. தொலைவும், மருத்துவமனையில் சேர்ந்து உள்நோயாளியாக சிகிச்சை பெற சுமார் 44 கி.மீ. தொலைவும் முதியவர்கள் பயணிக்க வேண்டியுள்ளதாக லான்செட் பிராந்திய சுகாதார (தெற்காசியா) ஆய்விதழில் தெரிவிக்கப்பட்டுள்ளது.

கடந்த 2017-18-ஆம் ஆண்டு 60 மற்றும் அதற்கும் அதிகமான வயதுகொண்ட சுமார் 32,000 முதியவர்களின் தரவுகளை, மும்பையில் உள்ள லாங்கிடியூடினல் ஏஜிங் ஸ்டடி ஆஃப் இந்தியா என்ற ஆராய்ச்சி நிறுவனம் திரட்டியது.

சிகிச்சை பெறுவதிலும் ஏற்றத்தாழ்வு: இந்தத் தரவுகளை ஆராய்ச்சியாளர்கள் பகுப்பாய்வு செய்தனர். அதுகுறித்து லான்செட் ஆய்விதழில் வெளியான தகவலின்படி, இந்தியாவில் நகர்ப்புற முதியவர்கள் 10 கி.மீ. தொலைவுக்குள் புறநோயாளிகளுக்கான சிகிச்சையைப் பெறுவது பகுப்பாய்வில் தெரியவந்துள்ளது.

ஆனால், கிராமப்புற முதியவர்கள் புறநோயாளிகளுக்கான சிகிச்சையைப் பெற சுமார் 30 கி.மீ. தொலைவு பயணிக்க வேண்டியிருப்பது கண்டறியப்பட்டுள்ளது.