இந்தியா-நியூஸிலாந்து இடையே 6 ஒப்பந்தங்கள்

இந்தியா-நியூஸிலாந்து இடையே ஒட்டுமொத்த பாதுகாப்பு உறவுகளை வலுப்படுத்தும் ஒப்பந்தம் உள்பட 6 ஒப்பந்தங்கள் திங்கள்கிழமை கையொப்பமாகின.

- 

புது தில்லி, மார்ச் 17:

தில்லியில் பிரதமர் நரேந்திர மோடி, நியூஸிலாந்து பிரதமர் கிறிஸ்டோபர் லக்ஸன் இடையே நடைபெற்ற இருதரப்பு பேச்சுவார்த்தைக்குப்பின் இந்த ஒப்பந்தங்கள் கையொப்பமிடப்பட்டன.

பசிபிக் பெருங்கடலில் உள்ள தீவு நாடான நியூஸிலாந்தின் பிரதமர் கிறிஸ்டோபர் லக்ஸன் ஐந்து நாள் அரசுமுறைப் பயணமாக இந்தியாவுக்கு கடந்த ஞாயிற்றுக்கிழமை வந்தார். அவருடன் பல்வேறு துறை அமைச்சர்கள், எம்.பி.க்கள், தொழில் துறையினர் உள்ளிட்டோர் அடங்கிய பெரிய குழுவும் வந்துள்ளது.

தில்லியில் உள்ள ஹைதராபாத் இல்லத்தில் பிரதமர் மோடி-கிறிஸ்டோபர் லக்ஸன் இடையே திங்கள்கிழமை விரிவான பேச்சுவார்த்தை நடைபெற்றது. இருதரப்பு உறவுகள் மட்டுமன்றி பரஸ்பர நலன் சார்ந்த பிராந்திய, சர்வதேச விவகாரங்கள் குறித்தும் இருவரும் ஆலோசித்தனர்.