ஜாதி மோதல்: நீதிபதி சந்துருவின் பரிந்துரையை அமல்படுத்த வேண்டும்

ஜாதி மோதலைத் தடுக்க, நீதிபதி சந்துருவின் பரிந்துரையை உடனடியாக அமல்படுத்த வேண்டும் என்றார் விடுதலைச் சிறுத்தைகள் கட்சித் தலைவர் தொல். திருமாவளவன்.

- 

திருநெல்வேலி, மார்ச் 13:

பிளஸ் 1 தேர்வெழுத வந்த போது, சிலரால் வெட்டப்பட்டு திருநெல்வேலி அரசு மருத்துவமனையில் சிகிச்சை பெற்று வரும் அரியநாயகிபுரம் மாணவர் தேவேந்திரராஜை வியாழக்கிழமை சந்தித்து ஆறுதல் கூறிய அவர், பின்னர் செய்தியாளர்களிடம் கூறியதாவது:

ஸ்ரீவைகுண்டம் அருகேயுள்ள அரியநாயகிபுரம் மாணவர் தேவேந்திரராஜ் சில நாள்களுக்கு முன்பு ஜாதி வெறி சக்திகளால் கொடூரமாகத் தாக்கப்பட்டுள்ளார். அவருடைய நுரையீரல் இயங்கும் தன்மை பாதிப்படைந்துள்ளது. கைவிரல்கள் துண்டிக்கப்பட்டுள்ளன. இன்னும் சுயநினைவு திரும்பவில்லை.