தனது நண்பர் டிரம்ப்பின் கருத்தை பிரதமர் கேட்க வேண்டும்: காங்கிரஸ்

'தேர்தலில் வாக்குச் சீட்டு முறைக்கு ஆதரவாக தனது நண்பர் டொனால்ட் டிரம்ப் தெரிவித்துள்ள கருத்துகளுக்கு பிரதமர் மோடி செவிசாய்க்க வேண்டும்' என்று காங்கிரஸ் வலியுறுத்தியுள்ளது.

- 

புது தில்லி, பிப். 22:

தங்களிடையே நெருங்கிய நட்புறவு இருப்பதாக பிரதமர் மோடியும் அமெரிக்க அதிபர் டிரம்ப்பும் பல்வேறு தருணங்களில் கூறியுள்ள நிலையில், காங்கிரஸ் இவ்வாறு தெரிவித்துள்ளது.

நாட்டின் தேர்தல்களில் வாக்குப் பதிவு இயந்திரங்களின் நம்பகத்தன்மை குறித்து எதிர்க்கட்சிகள் தொடர்ந்து கேள்வி எழுப்பி வருகின்றன. மீண்டும் வாக்குச் சீட்டு முறையில் தேர்தல்களை நடத்த வேண்டும் என்பது அவர்களின் முக்கிய கோரிக்கையாக உள்ளது.