மெரீனா: நீலக்கொடி அங்கீகாரம்

'சென்னை' என்றாலே அனைவருக்கும் உடனே நினைவுக்கு வருவது மெரீனா கடற்கரையாகும்.

- வ. ஜெயபாண்டி, படங்கள்: ஆர். கிருஷ்ணராஜ்.

எத்தனையோ கடற்கரைகள் இருந்தாலும், உலக அளவில் மிக நீளமான கடற்கரைகளில் இரண்டாம் இடம் பிடித்த மெரீனாவுக்குக் கென்று தனி இடமுண்டு. இந்தக் கடற்கரையானது வெறும் மணலால் நிரம்பியதல்ல; பல மனிதர்களின் உணர்வால் நிரம்பியது. இதன் ஆரம்பக் காலமானது அதிசயத்தக்கதாகவே இருக்கிறது.'மெரி' என்றால் லத்தீன், இத்தாலிய மொழிகளில் 'கடற்கரை' என்று அர்த்தம். 1884ஆம் ஆண்டுக்கு முன்பெல்லாம் மெரீனா கடலோரம் களிமண் நிறைந்திருந்தன. சென்னை துறைமுகம் கட்டப்பட்ட பிறகே இங்கு மணல் குவியத் தொடங்கியுள்ளது. கடலோரம் மிக நேர்த்தியாக இருந்த மணல் பரப்பு இத்தாலியில் உள்ள பால்மரோ கடற்கரையைப் போல அழகாகவும் இருந்ததைக் கண்ட சென்னை மாகாண ஆளுநர் மெளன்ட் ஸ்டூவர்ட் எல்பின்ஸ்டன் கிராண்ட் டஃப் வியந்துள்ளார். அவரே 'மெரீனா பீச்' எனப் பெயரிட்டுள்ளார்.

சுமார் 13 கி. மீ. நீள கடற்கரையான மெரீனா சாலைப் பகுதியிலிருந்து முக்கால் கிலோ மீட்டர் தூரத்தில் உள்ளது. மெரீனாவின் முக்கியப் பகுதிகளாக திருவல்லிக்கேணி, மயிலாப்பூர், சாந்தோம், பட்டினம்பாக்கம் உள்ளிட்டவை உள்ளன.