குடியரசு துணைத் தலைவராக சி.பி.ராதாகிருஷ்ணன் தேர்வு

குடியரசு துணைத் தலைவர் பதவிக்கு நடத்தப்பட்ட தேர்தலில் பாஜக தலைமையிலான ஆளும் தேசிய ஜனநாயக கூட்டணி சார்பில் போட்டியிட்ட சி.பி. ராதாகிருஷ்ணன் (67) 452 வாக்குகள் பெற்று வெற்றி பெற்றார்.

- 

புது தில்லி, செப். 9:

'இண்டி' கூட்டணி வேட்பாளர் சுதர்சன் ரெட்டி 300 வாக்குகள் பெற்ற நிலையில், அவரை விட 152 வாக்குகள் கூடுதலாக சி.பி.ராதாகிருஷ்ணன் பெற்றார்.

நாடாளுமன்ற இரு அவைகளிலும் மொத்தம் உள்ள 788 எம்.பி.க்களில் தற்போதைய உறுப்பினர்கள் எண்ணிக்கை 781-ஆக உள்ள நிலையில், 767 எம்.பி.க்கள் தேர்தலில் பங்கேற்று வாக்கைப் பதிவு செய்தனர். பதிவானவற்றில் 752 வாக்குகள் செல்லத்தக்கவையாகவும், 15 வாக்குகள் செல்லாதவையாகவும் அறிவிக்கப்பட்டன.