1,862 கோடி டாலராக உயர்ந்த அந்நிய நேரடி முதலீடு

உலகளாவிய பொருளாதார நிச்சயமற்ற தன்மை காரணமாக நடப்பு நிதியாண்டின் ஏப்ரல்-ஜூன் காலாண்டில் இந்தியாவில் மேற்கொள்ளப்பட்ட அந்நிய நேரடி முதலீடு 15 சதவீதம் உயர்ந்து 1,862 கோடி டாலராக உள்ளது.

- 

புது தில்லி, செப். 4:

இது குறித்து அரசின் தரவுகள் தெரிவிப்பதாவது: கடந்த ஜூன் மாதத்துடன் நிறைவடைந்த நடப்பு நிதியாண்டின் முதல் காலாண்டில் இந்தியாவில் 1,862 கோடி டாலர் அந்நிய நேரடி முதலீடு மேற்கொள்ளப்பட்டது. இது, 2024-25-ஆம் நிதியாண்டின் இதே காலாண்டோடு ஒப்பிடுகையில் 15 சதவீதம் உயர்வாகும். அப்போது இந்தியாவில் மேற்கொள்ளப்பட்ட அந்நிய நேரடி முதலீடு 1,617 கோடி டாலராக இருந்தது.

இதற்கு முந்தைய ஜனவரி-மார்ச் காலாண்டில் அந்நிய நேரடி முதலீடு 24.5 சதவீதம் குறைந்து 934 கோடி டாலராகவும், ஜூலை-செப்டம்பர் காலாண்டில் 43 சதவீதம் அதிகரித்து 1,360 கோடி டாலராகவும் இருந்தது.