தேசிய அளவில் 9-ஆவது இடத்தைத் தக்கவைத்தது திருச்சி என்ஐடி

உயர்கல்வி நிறுவனங்களுக்கான தேசிய தரவரிசைப் பட்டியலில் பொறியியல் பிரிவில் திருச்சி தேசிய தொழில்நுட்பக் கழகம் 9-ஆவது இடத்தைத் தக்கவைத்துக் கொண்டது.

- 

திருச்சி, செப். 4:

நாட்டிலுள்ள உயர்கல்வி நிறுவனங்களுக்கான தேசிய அளவிலான தரவரிசைப் பட்டியலை, தேசிய நிறுவன தரவரிசை கட்டமைப்பு (என்ஐஆர்எஃப்) வியாழக்கிழமை வெளியிட்டது.

9-ஆவது இடத்தைத் தக்கவைத்த என்ஐடி: பொறியியல் பிரிவில் திருச்சி தொழில்நுட்பக் கழகம் தேசிய அளவில் 9-ஆவது இடத்தைத் தக்கவைத்தது. கடந்த சில ஆண்டுகளாக தொடர்ந்து 9-ஆவது இடத்தில் இது நீடிக்கிறது. மேலும், என்ஐடி அளவில் திருச்சி என்ஐடியே தரவரிசையில் முன்னணியில் உள்ளது.

மேலும், ஒட்டுமொத்த கல்வி நிறுவனங்கள் பிரிவில் தேசிய அளவில் கடந்தாண்டைக்காட்டிலும் ஒரு இடம் முன்னேறி 30-ஆவது இடத்தைப் பிடித்துள்ளது.

ஆராய்ச்சிப் பிரிவில் 33-ஆவது இடத்தையும், கட்டடக்கலை பிரிவில் 9-இடத்தையும் பிடித்துள்ளது. இந்த இரு பிரிவுகளிலும் கடந்தாண்டைக்காட்டிலும் நிகழாண்டில் ஒருசில இடங்கள் பின்தங்கியுள்ளன.