வெற்றியுடன் மீண்டார் குகேஷ்

கிராண்ட் செஸ் டூரின் அங்கமாக, அமெரிக்காவில் நடைபெறும் சிங்க்ஃபீல்டு கோப்பை செஸ் போட்டியின் 2-ஆவது சுற்றில் இந்தியரும், நடப்பு உலக சாம்பியனுமான டி.குகேஷ் வெற்றி பெற்றார்.

- 

செயின்ட் லூயிஸ், ஆக. 20:

முதல் சுற்றில், சக இந்தியரான ஆர்.பிரக்ஞானந்தாவிடம் தோல்வி கண்ட அவர், இந்த வெற்றியின் மூலமாக போட்டியில் தனது நிலையை மீட்டுக்கொண்டார்.

இந்த ஆண்டுக்கான கிராண்ட் செஸ் டூர் போட்டி விறுவிறுப்பான இறுதிக்கட்டத்தை எட்டியிருக்கிறது. மொத்தம் 5 பகுதிகளாக நடைபெறும் இந்தப் போட்டியின் முதல் 4 கட்டங்களான சூப்பர்பெட் ரேப்பிட் & பிளிட்ஸ் (போலந்து), சூப்பர்பெட் கிளாசிக் செஸ் (ருமேனியா), சூப்பர்யுனைடெட் ரேப்பிட் & பிளிட்ஸ் (குரோஷியா), செயின்ட் லூயிஸ் ரேப்பிட் & பிளிட்ஸ் (அமெரிக்கா) ஆகியவை நிறைவடைந்தன.