பழைய ஓய்வூதியத் திட்டம் அரசுக் குழுவிடம் ஊழியர் சங்கங்கள் கடிதம்

பழைய ஓய்வூதியத் திட்டத்தைச் செயல்படுத்துவது குறித்து ஆராய அமைக்கப்பட்ட அரசுக் குழுவிடம் ஊழியர் சங்கங்கள் கருத்துகளைத் தெரிவித்தன.

- 

சென்னை, ஆக. 18: மேலும், கடிதங்கள் வாயிலாகவும் கோரிக்கைகளை முன்வைத்துள்ளன.

தமிழக அரசுப் பணியாளர்கள் தங்களுக்கு 2003-ம் ஆண்டு ஏப்ரல் 1-ந் தேதிக்கு முன்பு இருந்த பழைய ஓய்வூதியத் திட்டத்தைச் செயல்படுத்தும்படி அரசுக்குத் தொடர்ந்து கோரிக்கைகள் விடுத்து வருகின்றனர். திமுக தனது தேர்தல் அறிக்கையில் அதற்கான வாக்குறுதியை அளித்திருந்தது.

அதன் அடிப்படையில் பழைய ஓய்வூதியம் குறித்த அறிவிப்பை உடனடியாக அரசு அறிவிக்க வேண்டும் என்று அரசு ஊழியர்கள், ஆசிரியர்கள் கோரிக்கை விடுத்து வருகின்றனர்.

இதனிடையே, கடந்த ஜனவரி 24-ந் தேதி மத்திய அரசுப் பணியாளர்களுக்கான ஒருங்கிணைந்த ஓய்வூதியத் திட்டம் குறித்த அறிவிக்கையை மத்திய அரசு வெளியிட்டது.