அதானிக்கு உதவுவதற்காக பொருளாதாரத்தை பாஜக அழித்துவிட்டது

"இந்திய பொருளாதாரம் சரிந்துவிட்டது என்பதை பிரதமர் நரேந்திர மோடி மற்றும் மத்திய நிதியமைச்சர் நிர்மலா சீதாராமன் ஆகியோரைத் தவிர மற்ற அனைவரும் அறிந்துள்ளனர். தொழிலதிபர் அதானிக்கு உதவுவதற்காக இந்திய பொருளாதாரத்தை பாஜக அழித்துவிட்டது என்று மக்களவை எதிர்க்கட்சித் தலைவர் ராகுல் காந்தி விமர்சித்தார்.

- 

புது தில்லி, ஜூலை 31: இந்திய, ரஷிய பொருளாதாரம் குறித்த அமெரிக்க அதிபர் டிரம்ப் பின் விமர்சனத்தைச் சுட்டிக்காட்டி இந்தக் கருத்தை ராகுல் தெரிவித்தார்.

நாடாளுமன்ற வளாகத்தில் இதுகுறித்து செய்தியாளர்களுக்கு அவர் வியாழக்கிழமை அளித்த பேட்டி: இந்திய பொருளாதாரம் சரிந்துவிட்டது என டிரம்ப் குறிப்பிட்டுள்ளார். அது உண்மைதான். இது பிரதமர் மற்றும் மத்திய நிதியமைச்சரைத் தவிர மற்ற அனைவருக்கும் தெரியும். இந்திய பொருளாதாரம் 'சரிந்துவிட்ட பொருளாதாரம்' என்பதை அனைவரும் அறிவர். இந்த விஷயத்தில் டிரம்ப் உண்மையை வெளிப்படுத்தியுள்ளது மகிழ்ச்சியளிக்கிறது.