மத்திய பல்கலை., கல்லூரிகளில் ஜாதி பாகுபாட்டைத் தடுக்க என்ன நடவடிக்கை?

மத்திய பல்கலைக்கழகங்கள், கல்லூரிகளில் ஜாதி பாகுபாட்டைத் தடுக்க எடுக்கப்பட்ட நடவடிக்கை என்ன என்று மக்களவையில் நாடாளுமன்ற திமுக குழுத் தலைவரும், தூத்துக்குடி தொகுதி எம்.பி.யுமான கனிமொழி கேள்வி எழுப்பினார்.

- நமது நிருபர்

புது தில்லி, ஜூலை 21:

உயர் கல்வி நிறுவனங்களில் சமத்துவத்தை மேம்படுத்தும் நோக்கில், பல்கலைக்கழக மானியக் குழு (யுஜிசி) விதிமுறைகள் 2012-இன் படி மத்திய அரசின் மத்திய பல்கலைக்கழகங்களில் சம வாய்ப்புக் குழுக்கள் அமைக்கப்பட்டுள்ளதா? மத்திய அரசின் கல்லூரி, பல்கலைக்கழக வளாகங்களில் ஜாதி அடிப்படையிலான பாகுபாடுகள் குறித்த தரவுகளை மத்திய அரசு பராமரிக்கிறதா? என்பது உள்ளிட்ட கேள்விகளை கனிமொழி எழுப்பியிருந்தார்.