ஆர்டிஐ சட்டத்தின்கீழ் பதில் தராத ஊராட்சி செயலருக்கு அபராதம்

தகவல் ஆணையர் நடவடிக்கை

- 

சென்னை, மே 23: தகவல் பெறும் உரிமைச் சட்டத்தின் (ஆர்டிஐ) கீழ், உரிய காலத்துக்குள் பதில் தராத கிராம ஊராட்சி செயலருக்கு ரூ. 25,000 அபராதம் விதிக்கப்பட்டது.

திருப்பத்தூர் மாவட்டம், ஜோலார்பேட்டை ஒன்றியம் சந்திராபுரம் ஊராட்சியில் சோலார் மின் விளக்குகள் அமைப்பது தொடர்பான பதிவேட்டில் சரியான தகவல்கள் பதிவிடப்படாமல் இருந்ததாக குற்றச்சாட்டு எழுந்தது.

தொடர்ந்து, ஜோலார்பேட்டையைச் சேர்ந்த ரித்தீஸ்வரன் அறிவொளி, தகவல் பெறும் உரிமைச் சட்டத்தின் கீழ், விவரங்களைக் கோரியிருந்தார். இதற்கு சந்திராபுரம் ஊராட்சியின் உதவிப் பொதுத் தகவல் அலுவலர் உரிய விளக்கத்தை அளிக்கவில்லை.