திருச்சியில் டேங்கர் லாரிகள் வேலைநிறுத்தம்

தென் மண்டல எல்பிஜி டேங்கர் லாரி கள் வேலைநிறுத்தத்தின் ஒரு பகுதியாக திருச்சி அருகே இனாம்குளத்தூரில் உள்ள எரிவாயு உருளை நிரப்பும் மையத்திலும் லாரிகள் வேலை நிறுத்தத்தில் பங்கேற்றன.

- 

திருச்சி/கோவை, மார்ச் 27:

மத்திய அரசுக்குச் சொந்தமான எண்ணெய் நிறுவனங்களில் இருந்து எரிவாயு நிரப்பும் மையங்களுக்கு எரிவாயுவை எல்பிஜி டேங்கர் லாரிகள் மூலம் வாடகை ஒப்பந்த அடிப்படையில் லாரி உரிமையாளர்கள் இயக்கி வருகின்றனர்.

இவர்களின் நலனுக்காக நாமக்கல்லைத் தலைமையிடமாகக் கொண்டு தென்மண்டல எல்பிஜி டேங்கர் லாரி உரிமையாளர்கள் சங்கம் செயல்படுகிறது. இதில் தமிழ்நாடு, ஆந்திரம், கர்நாடகம், தெலங்கானா, புதுச்சேரி, கேரளம் உள்ளிட்ட மாநிலங்களின் டேங்கர் லாரி உரிமையாளர்கள் இணைந்துள்ளனர்.