வணிக சிலிண்டர்கள் விநியோகம் மீதான கட்டுப்பாடுகள் நீக்கம்

மேற்காசிய போர் முடிவுக்கு வந்ததால் மத்திய அரசு நடவடிக்கை

- 

உணவகங்கள், தங்கும் விடுதிகள் உள்ளிட்ட வணிக மற்றும் தொழில் நிறுவனங்களுக்கு விநியோகிக்கப்படும் வணிக எரிவாயு சிலிண்டர்கள் விநியோகம் மீதான அனைத்து கட்டுப்பாடுகளையும் மத்திய அரசு வியாழக்கிழமை நீக்கியது.

மேற்காசிய போர் முடிவுக்கு வந்ததால் இந்நடவடிக்கையை மத்திய அரசு மேற்கொண்டுள்ளது.

மேற்காசியாவில் ஈரான், அமெரிக்கா-இஸ்ரேல் இடையே சுமார் 4 மாதங்களாக நடைபெற்ற போரால் ஹோர்முஸ் நீரிணை வழியே கப்பல்களில் எரிவாயு கொண்டு வரப்படுவது பாதிக்கப்பட்டது. இதையெடுத்து, இந்தியாவில் வணிக மற்றும் தொழில் நிறுவனங்களுக்கான எரிவாயு சிலிண்டர் விநியோகத்தில் பல்வேறு கட்டுப்பாடுகள் விதிக்கப்பட்டன. தற்போது ஈரான், அமெரிக்கா இடையே அமைதி ஒப்பந்தம் ஏற்பட்டு போர் முடிவுக்கு வந்துள்ளதால், ஹோர்முஸ் நீரிணை வழியே மீண்டும் எரிவாயு கப்பல்களின் போக்குவரத்து தொடங்கியுள்ளது.