மகாராஷ்டிரத்தில் இடி, மின்னலுடன் பலத்த மழை: 8 பேர் உயிரிழப்பு

மகாராஷ்டிர மாநிலம் முழுவதும் கடந்த சனிக்கிழமை இரவு முதல் இடி மின்னலுடன் பலத்த மழை பெய்து வருகிறது. மழை தொடர்பான அசம்பாவிதங்களில் சிக்கி 8 பேர் உயிரிழந்ததாக அதிகாரிகள் தெரிவித்தனர்.

- 

பஹல்காம், ஜூன் 15: பயங்கரவாத தாக்குதலில் 26 பேர் கொல்லப்பட்ட சம்பவத்தைத் தொடர்ந்து நிலவிய பதற்றமான சூழ்நிலைக்குப் பின்னர், பஹல்காமில் சுற்றுலா மீண்டும் இயல்புநிலைக்கு திரும்பத் தொடங்கியுள்ளது.

தெற்கு காஷ்மீரில் அமைந்துள்ள இந்த நகரத்துக்கு, பக்ரீத் பண்டிகையைத் தொடர்ந்து பிராந்திய மக்கள் மற்றும் பஞ்சாப் மாநிலத்தைச் சேர்ந்த சுற்றுலாப் பயணிகள் ஏராளமானோர் கடந்த சில நாள்கள் வருகை தந்தனர். இதனால், சுற்றுலா துறையில் ஈடுபட்டுள்ள உள்ளூர் மக்கள் உற்சாகமடைந்துள்ளனர்.

பஹல்காம் அருகேயுள்ள பைசாரன் பள்ளத்தாக்கில் பாகிஸ்தானைச் சேர்ந்த பயங்கரவாதிகள் கடந்த ஏப். 22-ஆம் தேதி நடத்திய துப்பாக்கிச் சூடு தாக்குதலில் சுற்றுலாப் பயணிகள் உள்பட 26 பேர் கொல்லப்பட்டனர்.

இதற்கு பதிலடியாக ஆபரேஷன் சிந்தூர் நடவடிக்கையில் பாகிஸ்தானில் பயங்கரவாத உள்கட்டமைப்புகளை இந்திய ஏவுகணைகளை வீசி அழித்தது. தொடர்ந்து, இந்தியா-பாகிஸ்தான் எல்லையில் சண்டை ஏற்பட்டு, 4 நாள்கள் மோதலுக்குப் பிறகு அமைதி திரும்பியது.

கடந்த சில ஆண்டுகளாக நாடு முழுவதும் இருந்து மக்களை ஈர்த்து வந்த ஜம்மு-காஷ்மீர் சுற்றுலாத் துறை, பஹல்காம் தாக்குதலைத் தொடர்ந்து மொத்தமாக முடங்கியது. ஜம்மு-காஷ்மீருக்குப் பயணிக்க மக்களிடையே அச்சம் நிலவியது.