திருவள்ளுவர் கால சம்பவங்கள்!

திருவள்ளுவர் எழுதிய 'திருக்குறள்' இப்போது திரைப்படமாகியுள்ளது.

- -ஜி.அசோக்

பெருந்தலைவர் காமராஜரின் வாழ்க்கை வரலாறான 'காமராஜ்' படத்தை இயக்கிய எ.பாலகிருஷ்ணன், இந்தப் படத்தை இயக்கியுள்ளார்.

முழுப் படப்பிடிப்பும் முடிந்துள்ள நிலையில் இம்மாதத்தில் வெளியீட்டுக்கு தயாராகி வருகிறது. படப்பிடிப்பு, டிரெய்லர், பாடல் வெளியீட்டு விழாக்கள் முடிந்து இறுதிக் கட்டப் பரபரப்பில் இருக்கிறார் இயக்குநர் பாலகிருஷ்ணன். படத்தைப் பற்றிப் பகிர்ந்த தகவல்கள் இனி...

பல நூற்றாண்டுகளுக்கு முன்பு ஒருவர் எழுதிய செய்யுள் இன்றளவும் மனிதனை அறநெறியில் வழி நடத்துகிறது. சாதி, மதம், பேதம் இந்த மூன்றையும் கடந்த நூலாய்த் திருக்குறள் உள்ளது. அதனால்தான் திருக்குறளின் சிறப்பை உணர்ந்த மக்கள் அதை அவரவர் மொழிகளில் மொழிபெயர்ப்பு செய்தனர். திருவள்ளுவரை குறித்து சரியான ஆதாரங்கள் இல்லை. இவர் ஒரு ஞானியா? தீர்க்கதரிசியா? கடவுளா? என பல சந்தேகங்கள் உண்டு. திருவள்ளுவர் வாழ்ந்த காலகட்டத்தில் நிகழும் கதையாகவே இந்தப் படம் உருவாகிறது.