நீட் தேர்வு முடிவு வெளியீடு: ராஜஸ்தான் மாணவர் முதலிடம்

முதல் 100 இடங்களில் 6 தமிழக மாணவர்கள்

- 

புது தில்லி, ஜூன் 14: எம்பிபிஎஸ், பிடிஎஸ் உள்ளிட்ட இளநிலை மருத்துவப் படிப்புகள் சேர்க்கைக்காக அகில இந்திய அளவில் நடத்தப்படும் தேசிய தகுதிகாண் நுழைவுத் தேர்வு (நீட்) முடிவுகள் சனிக்கிழமை அறிவிக்கப்பட்டன.

இதில் ராஜஸ்தானைச் சேர்ந்த மாணவர் மகேஷ் குமார் முதலிடம் பெற்றார். மத்திய பிரதேச மாணவர் உத்கரேஷ் அவாதியா, மகாராஷ்டிரத்தைச் சேர்ந்த கிரிஷாங் ஜோஷி ஆகியோர் அடுத்தடுத்த இடங்களைப் பிடித்தனர்.

தரவரிசையில் முதல் 100 இடங்களில் தமிழகத்தைச் சேர்ந்த 6 மாணவர்கள் இடம் பிடித்தனர்.

தேசிய தேர்வுகள் முகமை (என்டிஏ) சார்பில் நடத்தப்படும் இத் தேர்வு நிகழாண்டு நாடு முழுவதும் 552 நகரங்கள், வெளிநாடுகளில் 14 நகரங்களில் அமைக்கப்பட்டிருந்த 5,468 மையங்களில் கடந்த மே 4-ஆம் தேதி நடத்தப்பட்டது.