போபால் ஆலைக் கழிவுகளுடன் இன்னும் எத்தனை ஆண்டுகள் போராடுவது?

எரிப்புக்கு எதிரான மனுவை அவசரமாக விசாரிக்க உச்சநீதிமன்றம் மறுப்பு

- 

புது தில்லி, ஜூன் 4: மத்திய பிரதேச மாநிலம், போபாலில் கடந்த 1984-இல் விஷவாயு கசிந்த ஆலையின் நச்சுக் கழிவுகளை எரிப்பதற்கு எதிரான மனுவை அவசரமாக விசாரிக்க உச்சநீதிமன்றம் புதன்கிழமை மறுத்துவிட்டது.

மேலும், ஆலைக் கழிவுகளுடன் இன்னும் எத்தனை ஆண்டுகள் போராடுவது என்றும் உச்ச நீதிமன்றம் தெரிவித்தது.

போபாலில் இயங்கிவந்த யூனியன் கார்பைட் தயாரிப்பு ஆலையில் கடந்த 1984, டிசம்பர் 2-3-க்கு இடைப்பட்ட இரவில் மெத்தில் ஐசோசயனேட் என்ற விஷவாயு கசிந்தது.

உலகின் மிக மோசமான தொழிலக விபத்து களில் ஒன்றான இந்த சம்பவத்தில் 5479 பேர் உயிரிழந்தனர். 5 லட்சத்துக்கும் மேற்பட்டோருக்கு உடல்நல பாதிப்புகள் ஏற்பட்டன. இதைத் தொடர்ந்து மூடப்பட்ட ஆலையில் கடந்த 40 ஆண்டுகளாக நச்சுக் கழிவுகள் அகற்றப்படாமல் இருந்தன.

இந்நிலையில், மாநில உயர்நீதிமன்றம் பிறப்பித்த உத்தரவின்பேரில், போபால் ஆலையில் இருந்து கடந்த ஜனவரி மாதம் அப்புறப்படுத்தப்பட்ட 377 டன் எடையுள்ள கழிவுகள், பீதம்பூரில் உள்ள தொழிலக கழிவு எரிப்பு ஆலைக்கு கொண்டுசெல்லப்பட்டன.