குடிமக்கள் அல்லாதோரை நாடு கடத்தும் அஸ்ஸாம் நடவடிக்கைக்கு எதிரான மனு தள்ளுபடி

இந்திய குடிமக்கள் அல்லாதோர் என சந்தேகிக்கப்படும் நபர்களை எவ்வித முறையான நடைமுறையையும் பின்பற்றாமல் சட்டவிரோதமாக வெளியேற்றும் அஸ்ஸாம் மாநில அரசின் நடவடிக்கைக்கு எதிரான மனுவை விசாரணைக்கு ஏற்க உச்சநீதிமன்றம் திங்கள்கிழமை மறுத்தது.

- 

புது தில்லி, ஜூன் 2:

இந்த விவகாரம் தொடர்பாக மனுதாரர் உயர்நீதிமன்றத்தை அணுகுமாறு உச்சநீதிமன்றம் அறிவுறுத்தியது.

ஏஐஐபிடிசி சிறுபான்மையின மாணவர்கள் சங்கம் சார்பில் இந்த மனு தாக்கல் செய்யப்பட்டது. அதில், குடிமக்கள் அல்லாதோர் எனக் கண்டறியப்பட்டு பூர்விகம் சரிபார்க்கப்பட்ட 63 வெளிநாட்டவர்களை 2 வாரங்களுக்குள் வெளியேற்ற மாறு அஸ்ஸாம் அரசுக்கு கடந்த பிப்ரவரி 4-ஆம் தேதி வேறொரு வழக்கில் உச்சநீதிமன்றம் உத்தரவிட்டது.

இந்த உத்தரவை தவறாகப் பயன்படுத்தி வெளிநாட்டவர் என சந்தேகிக்கப்படும் நபர்களை எவ்வித முறையான நடைமுறையையும் பின்பற்றாமல் சட்டவிரோதமாக வெளியேற்றும் நடவடிக்கையை அஸ்ஸாம் மாநில அரசு தொடர்ந்து மேற்கொண்டு வருகிறது.