பார்சிலோனாவை வெளியேற்றியது இன்டர் மிலன்

சாம்பியன்ஸ் லீக் கால்பந்து போட்டியின் அரையிறுதியில் பார்சிலோனாவை வீழ்த்தி வெளியேற்றிய இன்டர் மிலன், இறுதி ஆட்டத்துக்கு முதல் அணியாக முன்னேறியது.

- 

மிலன், மே 7: சாம்பியன்ஸ் லீக் கால்பந்து போட்டியின் அரையிறுதியில் பார்சிலோனாவை வீழ்த்தி வெளியேற்றிய இன்டர் மிலன், இறுதி ஆட்டத்துக்கு முதல் அணியாக முன்னேறியது.

இந்த இரு அணிகளிடையேயான அரையிறுதியின் முதல் லெக் ஆட்டம் 3-3 என கடந்த 1-ஆம் தேதி டிரா ஆகியிருந்த நிலையில், புதன்கிழமை நடைபெற்ற 2-ஆவது லெக் ஆட்டத்தில் இன்டர் மிலன் 4-3 கோல் கணக்கில் வென்றது. இதையடுத்து மொத்த கோல் கணக்கு அடிப்படையில் இன்டர் மிலன் 7-6 என வென்று, இறுதி ஆட்டத்தில் இடம் பிடித்தது.