ரடுகானு, அஸரென்காவுக்கு வெற்றி

மியாமி ஓபன் டென்னிஸ் போட்டியில் முன்னாள் கிராண்ட்ஸ்லாம் சாம்பியன்களான பிரிட்டனின் எம்மா ரடுகானு, பெலாரஸின் விக்டோரியா அஸரென்கா ஆகியோர் 2-ஆவது சுற்றுக்கு வியாழக்கிழமை முன்னேறினர்.

- 

மியாமி கார்டன்ஸ், மார்ச் 20: மியாமி ஓபன் டென்னிஸ் போட்டியில் முன்னாள் கிராண்ட்ஸ்லாம் சாம்பியன்களான பிரிட்டனின் எம்மா ரடுகானு, பெலாரஸின் விக்டோரியா அஸரென்கா ஆகியோர் 2-ஆவது சுற்றுக்கு வியாழக்கிழமை முன்னேறினர்.

மகளிர் ஒற்றையர் முதல் சுற்றில், யுஎஸ் ஓபன் முன்னாள் சாம்பியன் எம்மா ரடுகானு 6-2, 6-1 என்ற செட்களில் ஜப்பானின் சயாகா இஷியை வென்றார். இரு முறை ஆஸ்திரேலிய ஓபன் சாம்பியனான விக்டோரியா அஸரென்கா 6-3, 6-1 என எளிதாக, உக்ரைனின் அன்ஹெலினா கலிநினாவை தோற்கடித்தார்.

இதையடுத்து 2-ஆவது சுற்றில் ரடுகானு, போட்டித்தரவரிசையில் 8-ஆம் இடத்திலிருக்கும் அமெரிக்காவின் எம்மா நவாரோவுடனும், அஸரென்கா, 15-ஆம் இடத்திலிருக்கும் செக் குடியரசின் கரோலின் முசோவாவுடனும் மோதுகின்றனர்.