ஆளுநர் அவதூறு: அமைச்சர் ரகுபதி

கச்சத்தீவு விவகாரத்தில் திமுக அரசு மீது ஆளுநர் ஆர்.என்.ரவி அவதூறு பரப்புவதாக சட்டத்துறை அமைச்சர் ரகுபதி குற்றஞ்சாட்டியுள்ளார்.

- 

சென்னை, மார்ச் 2: கச்சத்தீவு விவகாரத்தில் திமுக அரசு மீது ஆளுநர் ஆர்.என்.ரவி அவதூறு பரப்புவதாக சட்டத்துறை அமைச்சர் ரகுபதி குற்றஞ்சாட்டியுள்ளார்.

இதுதொடர்பாக அவர் ஞாயிற்றுக்கிழமை வெளியிட்ட அறிக்கை: கச்சத்தீவில் தமிழக மீனவர்களின் உரிமையைப் பறித்ததற்கு அப்போதைய மத்திய, மாநில அரசுகளே காரணம்; 1974-இல் நடைபெற்ற தவறுக்கு அப்போது மத்தியில் கூட்டணியில் இருந்த திமுகவும் பொறுப்பு எனத் துருப்பிடித்த ஆயுதத்தை ஆளுநர் ஆர்.என். ரவி தூக்கிக் கொண்டு வந்துள்ளார்.

தமிழக மீனவர்கள் இலங்கை ராணுவத்தால் தாக்கப்பட்டு சிறைபிடிக்கப்படுவது நாளுக்கு நாள் அதிகரித்துக் கொண்டே வருகிறது. 2024-இல் 528 தமிழக மீனவர்கள் கைது செய்யப்பட்டிருக்கின்றனர். நிகழாண்டு ஜனவரியில் மட்டும் 53 மீனவர்கள் கைதாகியுள்ளனர்.