கான்வே, மிட்செல் ஹே அரை சதம்: நியூஸிலாந்து முன்னிலை

மேற்கிந்தியத் தீவுகளுக்கு எதிரான 2-ஆவது டெஸ்ட்டின் முதல் இன்னிங்ஸில் நியூஸிலாந்து 73 ரன்கள் முன்னிலை பெற்றது.

- 

டெவன் கான்வே, மிட்செல் ஹே ஆகியோர் அரை சதம் கடந்து பங்களித்தனர். மேற்கிந்தியத் தீவுகள் தரப்பில் ஆண்டர்சன் ஃபிலிப், கெமர் ரோச் சிறப்பாக பௌலிங் செய்தனர்.

முன்னதாக இந்த ஆட்டத்தில் முதலில் பேட் செய்த மேற்கிந்தியத் தீவுகள், 205 ரன்களுக்கு ஆட்டமிழந்தது. இதையடுத்து தனது இன்னிங்ஸை தொடங்கிய நியூஸிலாந்து, முதல் நாள் முடிவில் விக்கெட் இழப்பின்றி 24 ரன்கள் எடுத்திருந்தது.

2-ஆம் நாளான வியாழக்கிழமை, அந்த அணியின் இன்னிங்ஸை டாம் லாதம், டெவன் கான்வே தொடர்ந்தனர். லாதம் 1 பவுண்டரியுடன் 11 ரன்களுக்கு ஆட்டமிழந்தார்.