விமானப் பராமரிப்பு, விமான நிலையங்களில் பல்வேறு விதிமீறல்கள்

டிஜிசிஏ ஆய்வில் கண்டுபிடிப்பு

- 

புது தில்லி, ஜூன் 24: நாட்டில் விமான நிறுவனங்கள், விமானங்களின் பராமரிப்புப் பணி மற்றும் விமான நிலையங்கள் தொடர்பாக பல்வேறு விதிமீறல்கள் விமானப் போக்குவரத்து தலைமை இயக்குநரக (டிஜிசிஏ) ஆய்வில் கண்டறியப்பட்டது.

முக்கிய விமான நிலையங்களில் ஒரே தவறு மீண்டும் மீண்டும் நடந்திருப்பதும் தெரியவந்துள்ளது. விதிமீறல் கண்டறியப்பட்ட விமான நிறுவனங்கள், விமான நிலையங்களின் பெயர்களை டிஜிசிஏ வெளியிடவில்லை. அதேநேரம், குறைபாடுகளை 7 நாள்களுக்குள் சரி செய்யுமாறு அறிவுறுத்தப்பட்டது.

குஜராத் மாநிலம், அகமதாபாத்தில் இருந்து லண்டனுக்கு கடந்த ஜூன் 12-ஆம் தேதி புறப்பட்ட ஏர் இந்தியா விமானம், மேலெழும்பிய சில நொடிகளில் அருகில் உள்ள மருத்துவக் கல்லூரி விடுதி வளாகம் மீது விழுந்து வெடித்துச் சிதறியது.