ஆர்சிபி அணிக்கு எதிராக ஜூன் 12 வரை நடவடிக்கை கூடாது: கர்நாடக உயர்நீதிமன்றம்

பெங்களூரு கூட்ட நெரிசல் சம்பவம் குறித்து ஆர்சிபி அணி, நிகழ்ச்சி ஒருங்கிணைப்பாளரான டிஎன்ஏ என்டர்டெயின்மென்ட் நிறுவனம் ஆகியவற்றுக்கு எதிராக வியாழக்கிழமை (ஜூன் 12) வரை எந்த நடவடிக்கையும் எடுக்கக் கூடாது என்று கர்நாடக உயர்நீதிமன்றம் திங்கள்கிழமை தடை விதித்தது.

- 

பெங்களூரு, ஜூன் 9:

நடப்பு ஆண்டு ஐபிஎல் போட்டியில் ராயல் சேலஞ்சர்ஸ் பெங்களூரு (ஆர்சிபி) அணி முதன்முறையாக கோப்பையை வென்றது. இதை யொட்டி, பெங்களூரு எம்.சின்னசாமி கிரிக்கெட் மைதானத்தில் கடந்த புதன்கிழமை (ஜூன் 4) மாலை வெற்றிக் கொண்டாட்டத்துக்கு ஏற்பாடு செய்யப்பட்டது.

சுமார் 3 லட்சம் ரசிகர்கள் மைதானத்தின் வாயில், சுற்றுப்புறத்தில் திரண்டதால், நெரிசலில் சிக்கி 11 பேர் உயிரிழந்தனர்.