மீளும் இங்கிலாந்து; ஜோ ரூட் 99 நாட் அவுட்

இந்தியாவுக்கு எதிரான 3-ஆவது டெஸ்ட்டின் முதல் நாள் ஆட்டநேர முடிவில் இங்கிலாந்து, 83 ஓவர்களில் 4 விக்கெட்டுகள் இழப்புக்கு 251 ரன்கள் சேர்த்திருந்தது.

- 

லண்டன், ஜூலை 10:

நிதீஷ்குமார், ஜடேஜா, பும்ராவின் பௌலிங்கில் இங்கிலாந்து விரைவாகவே டாப் ஆர்டரை இழக்க, ஆலி போப்புடன் இணைந்து அணியை சரிவிலிருந்து மீட்ட ஜோ ரூட், பின்னர் கேப்டன் பென் ஸ்டோக்ஸுடன் இணைந்து ஸ்கோரை பலப்படுத்தி வருகிறார்.

முன்னதாக டாஸ் வென்ற இங்கிலாந்து, பேட்டிங்கை தேர்வு செய்தது. இங்கிலாந்து தனது பிளேயிங் லெவனை ஏற்கெனவே அறிவித்துவிட்ட நிலையில், இந்திய லெவனில் பிரசித் கிருஷ்ணாவுக்கு பதிலாக பும்ரா இணைந்தார்.

இங்கிலாந்து இன்னிங்ஸை ஜாக் கிராலி - பென் டக்கெட் இணை தொடங்கியது. இந்த ஜோடி நிதானமாக ரன்கள் சேர்த்துவர, இருவரையுமே தனது முதல் ஓவரிலேயே சாய்த்தார் நிதீஷ்குமார் ரெட்டி.