ஜார்க்கண்ட், ஒடிஸாவில் மழை வெள்ளம்: இயல்பு வாழ்க்கை பாதிப்பு

ஒடிஸா, ஜார்க்கண்ட் ஆகிய மாநிலங்களில் கடந்த சில நாள்களாக நீடிக்கும் பலத்த மழைக்காரணமாக ஏற்பட்டுள்ள வெள்ளப் பாதிப்பால் மக்களின் இயல்பு வாழ்க்கை முடங்கியுள்ளது.

- 

புவனேசுவரம்/ராஞ்சி, ஜூன் 30:

கேரளத்தில் கடந்த மே மாத இறுதியில் தொடங்கிய தென்மேற்குப் பருவமழை, கடந்த ஜூன் 26-ஆம் தேதிக்குள் நாடு முழுவதும் பரவலாகப் பெய்துள்ளது. அந்தவகையில், வடக்கு மற்றும் கிழக்கு மாநிலங்களில் கடந்த சில நாள்களாக பருவமழை தீவிரமடைந்துள்ளது.

ஜார்க்கண்டில் நீடிக்கும் இடைவிடாத மழையால் மேற்கு மற்றும் கிழக்கு சிங்பூம், செராய்கேலா-கார்ஸ்வான் மாவட்டங்களை உள்ளடக்கிய கோல்ஹன் பிராந்தியத்தில் பல்வேறு இடங்களில் வெள்ள நீர் சூழ்ந்துள்ளது. இதனால், மக்கள் வீடுகளைவிட்டு வெளியேற முடியாத சூழல் உள்ளது. பாதிக்கப்பட்ட மக்களுக்கு உள்ளூர் நிர்வாகம் நிவாரணப் பொருள்களை வழங்கி வருகின்றன.