கூவாகம் கூத்தாண்டவர் கோயில் சித்திரைப் பெருவிழா தேரோட்டம்

கள்ளக்குறிச்சி மாவட்டம், உளுந்தூர்பேட்டை வட்டம், கூவாகம் அருள்மிகு கூத்தாண்டவர் சுவாமி கோயில் சித்திரைப் பெருவிழா தேரோட்டம் புதன்கிழமை நடைபெற்றது.

- 

விழுப்புரம், மே 14: இதில் ஆயிரக்கணக்கான திருநங்கைகள், பொதுமக்கள் உள்ளிட்டோர் பங்கேற்று சுவாமி தரிசனம் செய்தனர்.

கூத்தாண்டவரை தங்கள் குல தெய்வமாகக் கருதி திருநங்கைகள் வழிபடும் இந்தக் கோயிலில், சித்திரைப் பெருவிழா கடந்த மாதம் 29-ஆம் தேதி சாகை வார்த்தலுடன் தொடங்கியது.

விழாவின் முக்கிய நிகழ்வாக, செவ்வாய்க்கிழமை மாலை கூவாகம் கூத்தாண்டவர் சந்நிதி முன் கோயில் பூசாரிகளிடம் திருநங்கைகள் தாலி கட்டிக்கொண்டு, சுவாமி தரிசனம் செய்தனர்.

அரவான் சிரசு ஊர்வலம்: தொடர்ந்து, புதன்கிழமை காலை கோயிலில் இருந்த அரவான் சிரசுவுக்கு முதல் மாலை அணிவிக்கப்பட்டு வழிபாடு நடத்தப்பட்டது. அதன் பின்னர், அரவான் சிரசு ஊர்வலமாக எடுத்து வரப்பட்டது.