இந்தியாவுடன் விரைவில் இரு தரப்பு வர்த்தக ஒப்பந்தம்

இந்தியாவுடனான இரு தரப்பு வர்த்தக ஒப்பந்த பேச்சுவார்த்தை சிறப்பான முன்னேற்றத்தை கண்டு வருகிறது. எனவே, இந்த வர்த்தக ஒப்பந்தம் விரைவில் இறுதி செய்யப்பட வாய்ப்புள்ளது என்று அமெரிக்க அதிபர் டொனால்ட் டிரம்ப் நம்பிக்கை தெரிவித்தார்.

- 

நியூயார்க்/வாஷிங்டன், ஏப்.30: 'இந்தியாவுடனான இரு தரப்பு வர்த்தக ஒப்பந்த பேச்சுவார்த்தை சிறப்பான முன்னேற்றத்தை கண்டு வருகிறது. எனவே, இந்த வர்த்தக ஒப்பந்தம் விரைவில் இறுதி செய்யப்பட வாய்ப்புள்ளது' என்று அமெரிக்க அதிபர் டொனால்ட் டிரம்ப் நம்பிக்கை தெரிவித்தார்.

அமெரிக்க அதிபராக டிரம்ப் பதவியேற்ற பின்னர், பிரதமர் நரேந்திர மோடி அமெரிக்காவுக்கு சென்று அவருக்கு வாழ்த்து தெரிவித்ததோடு, இருதரப்பு வர்த்தக உறவை வலுப்படுத்துவது குறித்து ஆலோசனை மேற்கொண்டார்.

அப்போது, 191 பில்லியன் டாலர் மதிப்பிலான இருதரப்பு வர்த்தகத்தை வரும் 2030-ஆம் ஆண்டுக் குள் இரு மடங்குக்கு அதிகமாக 500 பில்லியன் டாலர் மதிப்பில் உயர்த்த இருதரப்பிலும் இலக்கு நிர்ணயிக்கப்பட்டது. இதுதொடர்பான இருதரப்பு வர்த்தக ஒப்பந்த பேச்சுவார்த்தையை இந்தியாவும் அமெரிக்காவும் கடந்த மார்ச் மாதம் முதல் மேற்கொண்டு வருகின்றன.