ஆய்வகங்களின் அலட்சியச் செயல்பாடுகள்

அறுபது வயதைத் தாண்டிய பலரும் நமது இளமைக்கால நோய்களுக்கு நாட்டுவைத்தியர்களிடம் மருந்து வாங்கிச் சாப்பிட்டு எளிதில் நலமடைந்ததை நினைவுகூர முடியும்.

- எஸ். ஸ்ரீதுரை

அறுபது வயதைத் தாண்டிய பலரும் நமது இளமைக்கால நோய்களுக்கு நாட்டுவைத்தியர்களிடம் மருந்து வாங்கிச் சாப்பிட்டு எளிதில் நலமடைந்ததை நினைவுகூர முடியும். நாட்டு வைத்தியர்களில் பலர் வீடுதேடி வந்து மருத்துவம் பார்த்தவர்களே.

நோயாளியின் மணிக்கட்டைப் பிடித்து நாடிபார்ப்பதுடன், பச்சிளம் குழந்தைகளின் வயிற்றில் விரலால் தட்டிப் பார்த்து நோயின் காரணத்தை அறிந்து மருந்து கொடுப்பார்கள்.

குளிகை (மாத்திரை), சூரணம் (மருந்துப்பொடி), லேகியம் ஆகியவற்றுடன் நமது நாட்டு வைத்தியர் பரிந்துரைக்கும் உணவுப்பத்தியமும் சேர்ந்து விரைவான நிவாரணத்தை அளிப்பது உறுதி. இதற்காக அந்த நாட்டுவைத்தியர் பெற்றுக்கொள்ளும் கட்டணம் எட்டணா அல்லது ஒரு ரூபாயாகவே இருக்கும்.

ஆங்கில மருத்துவத்தை எடுத்துக் கொண்டால், ஒவ்வொரு பெரிய கிராமம் அல்லது சிறிய நகரத்திலும் பொது மருத்துவர் ஒருவர் இருப்பார். சகலவிதமான நோய்களுக்கும் பொதுமருத்துவரே வைத்தியம் பார்ப்பார்.

காலம் இப்பொழுது வெகுவாக மாறிவிட்டது.

காலமாற்றத்தின் விளைவாக மக்களின் வாழ்வியல் நடைமுறைகள் மாறியிருக்கின்றன. மனிதர்கள் எதிர்கொள்ளும் நோய்களுக்கான மருத்துவ முறைகளும் அளப்பரிய மாற்றங்களைக் கண்டுள்ளன.

சிறிய நகரங்களில்கூட, பல்நோக்கு மருத்துவமனைகள் முளைத்திருக்க அவற்றில் பணிபுரியும் சிறப்பு மருத்துவர்கள் எனப்படும் ஸ்பெஷலிஸ்ட்டுகளும் அதிகரித்துள்ளனர். கூடவே, ஆய்வகங்களின் எண்ணிக்கையும் அதிகரித்துள்ளது.