சென்னையில் கொட்டித் தீர்த்த கனமழை: மேடவாக்கத்தில் 160 மி.மீ. பதிவு

சென்னை மற்றும் புறநகர் பகுதிகளில் புதன்கிழமை திடீரென இடி, மின்னலுடன் பரவலாக மழை பெய்தது. அதிகபட்சமாக மேடவாக்கத்தில் 4 மணி நேரத்தில் 160 மி.மீ. மழை பதிவானது.

- 

சென்னை, ஏப். 16:

சென்னையில் ஏப்ரல் மாதம் தொடக்கம் முதலே பகல் நேரத்தில் வெயில் சுட்டெரித்து வருகிறது. சில நாள்களில் 100 டிகிரி பாரன்ஹீட் வரையும் வெப்பநிலை பதிவானது. இந்த நிலையில், சென்னை மற்றும் புறநகர் பகுதிகளில் புதன்கிழமை காலை திடீரென இடி, மின்னல் மற்றும் பலத்த காற்றுடன் பரவலாக மழை பெய்தது.

அதன்படி புதன்கிழமை காலை 8 முதல் நண்பகல் 12 மணி வரை அதாவது 4 மணி நேரத்தில் மேடவாக்கத்தில் 160 மி.மீ. மழை பதிவானது. வளசரவாக்கத்தில் 110, சாலிகிராமம், நெற்குன்றத்தில் தலா 100 மி.மீ. மழை பதிவானது.