அன்றே சொன்னார் பாபாசாகேப் அம்பேத்கர்!

வங்கதேசம், ஆப்கானிஸ்தான், பாகிஸ்தான் போன்ற நாடுகளில் சிறுபான்மை ஹிந்துக்கள் அனுபவிக்கும் கொடுமைகள் சொல்லி மாளாது. இஸ்லாமிய மத அடிப்படைவாதிகள் ஹிந்துக்களைத் தாக்குகிறார்கள்; அச்சுறுத்தி மதம் மாற்றுகிறார்கள்; விரட்டி அடிக்கிறார்கள்-பாபாசாகேப் அம்பேத்கர்.

- டி.எஸ்.தியாகராசன்

வங்கதேச தலைமை ஆலோசகர் முகமது யூனுஸை தாய்லாந்து தலைநகர் பாங் காக்கில் அண்மையில் நடந்த 'பிம்ஸ்டெக்' உச்சிமாநாட்டின்போது பிரதமர் மோடி சந்தித்துப் பேசி இருக்கிறார். வங்கதே சத்தில் சிறுபான்மையினருக்கு எதிரான, குறிப்பாக ஹிந்துக்களுக்கு எதிரான வன் முறைகள் குறித்தும், ஹிந்துக் கோயில்கள் சேதப்படுத்தப்படுவது குறித்தும் அவரிடம் இந்தியாவின் கவலையைத் தெரிவித்திருக் கிறார் பிரதமர் மோடி. சமூகச் சூழலைப் பாதிக்கும் வகையிலான எந்தவொரு விமர் சனமும் தவிர்க்கப்பட வேண்டும் என்றும் வலியுறுத்தியிருக்கிறார்.

வங்கதேசத்தில் ஷேக் ஹசீனா அரசு அகற்றப்பட்டதுமுதல், சிறுபான்மை மக் கள் குறிப்பாக ஹிந்துக்கள் தாக்கப்படுகி றார்கள். கோயில்கள் இடிக்கப்படுகின் றன; தீக்கிரையாக்கப்படுகின்றன; ஹிந்துக் களின் வீடுகள், வணிக நிறுவனங்கள் சூறை யாடப்படுகின்றன. பெண்கள் பலவிதக் கொடுமைகளுக்கு உள்ளாக்கப்படுகிறார் கள்.

சமூக சேவையை இறைப் பணியாகச் செய்துவரும் இஸ்கான் கோயில் இடிக்கப் பட்டிருக்கிறது. அதன் துறவிகள் அடித்து துன்புறுத்தப்படுகிறார்கள். தலைமைத் துறவி, ராஜதுவேஷ வழக்கில் கைது செய் யப்பட்டுள்ளார். "துவராடை அணிய வேண்டாம். நெற்றியில் திலகம் வைத்துக் கொள்ள வேண்டாம். கழுத்தில் துளசி மாலையை அணிய வேண்டாம். உங்களை தற்காத்துக் கொள்ளுங்கள்" என்று இஸ் கான் அமைப்பினர் அறிவிப்பு செய்து உள் ளனர் என்றால், நிலைமை எந்த அளவுக்கு மோசமாக இருக்கிறது என்று நாம் புரிந்து கொள்ளலாம்.

"வங்கதேசத்தில் சிறுபான்மை மக்க ளுக்கு இழைக்கப்படும் கொடுமைகள் 1971-ஆம் ஆண்டு முதலே நடந்து வருகின் றன" என்கிறார் வங்கதேசத்தின் இந்தியா வுக்கான முன்னாள் தூதர் வீணா சிக்ரி. அதற்கு முன்பே 1947- இல் பாகிஸ்தானி லும், வங்கதேசத்திலும் இனப் படுகொலை கள் நடந்ததை பாகிஸ்தானின் முதல் சட்ட அமைச்சரும் பட்டியலினத்தைச் சேர்ந்த வருமான ஜோகேந்திரநாத் மண்டல் 1950 அக்டோபர் 8-இல் பாகிஸ்தான் பிரதமர் லியாகத் அலிகானுக்கு எழுதிய பதவி வில கல் கடிதத்தில் குறிப்பிட்டிருக்கிறார்.