பாம்பன் பாலமா? திராவிட மாடல் பாலமா?

வானதி சீனிவாசன் பேச்சுக்கு அமைச்சர் சுவையான பதில்

- 

சென்னை, ஏப். 9: பாம்பன் பாலத்தைவிட, திராவிட மாடல் பாலம் வலுவாக, சிறப்பாக இருக்கும் என்று அமைச்சர் எஸ்.எஸ்.சிவசங்கர் கூறினார். பாஜக உறுப்பினர் வானதி சீனிவாசனின் பேச்சுக்கு அமைச்சர் இந்தப் பதிலைக் கூறினார்.

பேரவையில் தொழிலாளர் நலன், குறு, சிறு மற்றும் நடுத்தரத் தொழில்கள் துறை மானியக் கோரிக்கைகள் மீது புதன்கிழமை நடந்த விவாதம்:

வானதி சீனிவாசன்: தமிழ்நாட்டில் உள்ள தொழிற்கல்வி நிறுவனங்களில் (ஐடிஐ), தகுந்த ஆசிரியர்களை நியமித்து தொழிற்பயிற்சிகள் வழங்கப்படுகிறதா என்ற சந்தேகம் உள்ளது. மாணவர்களிடையே பொறியியல் படிப்புகள் ஈர்ப்பாக உள்ளது. அதேசமயம், அதைப் படிப்போருக்கு வேலை வாய்ப்புகள் கேள்விக்குறியாக உள்ளது. நிறுவனத்துக்கேற்ற வேலை கிடைக்காமல் இருக்கிறது. வேலைவாய்ப்புகளுக்கு ஏற்ற திறன்கள் போதுமானதாக உள்ளது.