அகமதாபாதில் இன்று காங்கிரஸ் செயற்குழு கூட்டம்

குஜராத் மாநிலம், அகமதாபாதில் காங்கிரஸின் தேசிய செயற்குழு செவ்வாய்க்கிழமை (ஏப். 8) கூடுகிறது.

- 

அகமதாபாத், ஏப். 7: தொடர்ந்து, அக்கட்சியின் தேசிய மாநாடு புதன்கிழமை (ஏப். 9) நடைபெறுகிறது.

நாட்டின் பரபரப்பான அரசியல் சூழலில் நடைபெறும் இக்கூட்டத்தில் தேசிய அரசியலின் சவால்கள் மற்றும் முக்கியப் பிரச்னைகள் குறித்து விவாதிக்கப்படுவதோடு, தேர்தல் வியூகம் மற்றும் கட்சியை அமைப்புரீதியாக வலுப்படுத்துவதற்கான திட்டம் பற்றியும் கலந்தாலோசித்து முடிவெடுக்கப்படும் என்று கட்சி வட்டாரங்கள் தெரிவித்தன.

குஜராத்தைச் சேர்ந்த இருபெரும் தலைவர்களான மகாத்மா காந்தி காங்கிரஸின் தலைமையேற்று 100 ஆண்டுகள் நிறைவடைந்ததையும், சர்தார் வல்லபாய் படேலின் 150-ஆவது பிறந்தநாளையும் நினைவுகூரும் வகையில் நடப்பு ஆண்டு காங்கிரஸ் செயற்குழு கூட்டம் மற்றும் தேசிய மாநாட்டை குஜராத்தில் அகமதாபாதில் அக்கட்சி நடத்துகிறது.