மனிதக் கழிவுகளை கைகளால் அகற்றும் நடைமுறை: மாநிலங்கள் மீது உச்சநீதிமன்றம் அதிருப்தி

மனிதக் கழிவுகளை கைகளால் அப்புறப்படுத்தும் நடைமுறைக்கு முற்றுப்புள்ளி வைப்பதற்கு எடுக்கப்பட்டுள்ள நடவடிக்கை தொடர்பாக தில்லி, கொல்கத்தா, ஹைதராபாத் மாநகர அதிகாரிகள் தாக்கல் செய்த பதில் மனு மீது உச்ச நீதிமன்றம் கடும் அதிருப்தி தெரிவித்தது.

- 

புது தில்லி, பிப்.27: மனிதக் கழிவுகளை கைகளால் அப்புறப்படுத்தும் நடைமுறைக்கு முற்றுப்புள்ளி வைப்பதற்கு எடுக்கப்பட்டுள்ள நடவடிக்கை தொடர்பாக தில்லி, கொல்கத்தா, ஹைதராபாத் மாநகர அதிகாரிகள் தாக்கல் செய்த பதில் மனு மீது உச்ச நீதிமன்றம் கடும் அதிருப்தி தெரிவித்தது.

மனிதக் கழிவுகளை மனிதர்களே கைகளால் அப்புறப்படுத்தும் நடைமுறையால் உயிரிழப்புகள் அதிகரித்ததைத் தொடர்ந்து, தில்லி, மும்பை, கொல்கத்தா, சென்னை, பெங்களூரு, ஹைதராபாத் மாநகராட்சிகளில் இந்த நடைமுறைக்கு தடை விதித்த உச்சநீதிமன்றம் கடந்த ஜனவரி 29-ஆம் தேதி உத்தரவிட்டது.

மேலும், இந்த நடைமுறையை முழுவதுமாக நிறுத்த எடுக்கப்பட்ட நடவடிக்கைகள் தொடர்பாக பதில் மனு தாக்கல் செய்ய இந்த மாநகராட்சிகளுக்கு உத்தரவிட்டது.