சிவகாசி மாமன்றக் கூட்டத்தில் உறுப்பினர்கள் கடும் வாக்குவாதம்

சிவகாசி மாநகராட்சியில் செவ்வாய்க்கிழமை நடைபெற்ற மாமன்றக் கூட்டத்தில் உறுப்பினர்களுக்கிடையே கடும் வாக்குவாதம் ஏற்பட்டது.

- 

சிவகாசி, மார்ச் 18:

கடந்த 11 ஆம் தேதி நடைபெற்ற சிவகாசி மாமன்றக் கூட்டத்தில் வீட்டுமனைப் பிரிவுக்கு அங்கீகாரம் வழங்கும் தீர்மானத்துக்கு எதிர்ப்புத் தெரிவித்து, மேயர், ஆணையரை உறுப்பினர்கள் முற்றுகையிட்டுப் போராட்டம் நடத்தியதால், கூட்டம் ஒத்திவைக்கப்பட்டது.

இந்தக் கூட்டத்தில் நிறைவேற்றப்படாமல் நிலுவையில் இருந்த 98 தீர்மானங்களை நிறைவேற்றுவதற்காக, சிவகாசி மாநகராட்சி அவசரக்கூட்டம் மேயர் இ.சங்கீதா தலைமையில் செவ்வாய்க்கிழமை நடைபெற்றது.

கூட்டம் தொடங்கியதும், பாஜக உறுப்பினர் பாஸ்கர் எழுந்து நின்று, இரு கூட்டங்களின் நிறைவில் தேசிய கீதம் பாடவில்லை என குற்றஞ்சாட்டினார். மேலும், தேசிய கீதத்தை அவமதித்த மேயரை வன்மையாகக் கண்டிக்கிறோம் எனக் காகிதத்தில் எழுதிய பதாகையை காண்பித்தார்.