ஆபரேஷன் சிந்தூர்: யாரும் தடுக்கவில்லை

எதிர்க்கட்சிகளுக்கு பிரதமர் மோடி பதில்

- 

புது தில்லி, ஜூலை 29: பாகிஸ்தான் மீதான ஆபரேஷன் சிந்தூர் நடவடிக்கையை நிறுத்துமாறு இந்தியாவிடம் எந்த நாட்டின் தலைவரும் கூறவில்லை என்று பிரதமர் நரேந்திர மோடி தெரிவித்தார்.

‘பயங்கரவாதத்துக்கு எதிராக தற்காப்பு நடவடிக்கை மேற்கொள்வதில் இருந்து இந்தியாவை எந்த நாடும் தடுக்கவில்லை; ஐ.நா. உறுப்பு நாடுகளில் (193) வெறும் 3 நாடுகள் மட்டுமே பாகிஸ்தானை ஆதரித்தன’ என்றும் அவர் கூறினார்.

இந்தியா-பாகிஸ்தான் இடையே சண்டை நிறுத்தம் ஏற்பட வாய்ப்பை முன்வைத்து மத்தியஸ்தம் செய்ததாக அமெரிக்க அதிபர் டிரம்ப் தொடர்ந்து கூறிவருகிறார். இதை முன்வைத்து, மத்திய அரசை எதிர்க்கட்சிகள் கடுமையாக விமர்சித்துவரும் நிலையில், பிரதமர் மோடியின் மேற்கண்ட கருத்துகள் முக்கியத்துவம் பெற்றுள்ளன.

பஹல்காம் பயங்கரவாதத் தாக்குதலுக்குப் பதிலடியாக, பாகிஸ்தான் மீது இந்தியா மேற்கொண்ட ஆபரேஷன் சிந்தூர் நடவடிக்கை குறித்து மக்களவையில் கடந்த திங்கள்கிழமை தொடங்கிய 16 மணி நேர சிறப்பு விவாதத்துக்கு பிரதமர் மோடி செவ்வாய்க்கிழமை பதிலளித்து பேசியதாவது: