கங்கைகொண்ட சோழபுரத்தில் இன்று முதலாம் ராஜேந்திர சோழன் முப்பெரும் விழா

பிரதமர் நரேந்திர மோடி பங்கேற்பு

- 

அரியலூர், ஜூலை 26: அரியலூர் மாவட்டம், கங்கைகொண்ட சோழபுரம் பெருவுடையார் திருக்கோயில் வளாகத்தில் ஞாயிற்றுக்கிழமை நடைபெறும் முதலாம் ராஜேந்திர சோழனின் முப்பெரும் விழாவில் பிரதமர் நரேந்திர மோடி பங்கேற்று உரையாற்றுகிறார்.

தூத்துக்குடியில் சனிக்கிழமை இரவு நடைபெற்ற நிகழ்ச்சியில் ரூ.4,800 கோடி மதிப்புள்ள பல்வேறு வளர்ச்சித் திட்டங்களுக்கு அடிக்கல் நாட்டியும் நிறைவடைந்த திட்டப் பணிகளை நாட்டுக்கு அர்ப்பணித்தார். பின்னர், அங்கிருந்து தனி விமானம் மூலம் திருச்சி வந்த அவர், இங்குள்ள தனியார் நட்சத்திர விடுதியில் தங்கினார்.