அனில் அம்பானி குழுமத்துக்குத் தொடர்புள்ள 50 நிறுவனங்களில் அமலாக்கத் துறை சோதனை

ரூ.3,000 கோடி வங்கிக் கடன் மோசடி

- 

புது தில்லி, ஜூலை 24: ரூ.3,000 கோடி வங்கிக் கடன் மோசடி தொடர்பாக, ரிலையன்ஸ் குழும தலைவர் அனில் அம்பானியின் நிறுவனங்களுக்குத் தொடர்புள்ள 50 நிறுவனங்களில் அமலாக்கத் துறை வியாழக்கிழமை சோதனை மேற்கொண்டது.

இதுதொடர்பாக அமலாக்கத் துறை வட்டாரங்கள் கூறியதாவது:

கடந்த 2017 முதல் 2019-ஆம் ஆண்டு வரையிலான காலத்தில், ரிலையன்ஸ் குழும தலைவர் அனில் அம்பானியின் நிறுவனங்களுக்கு யெஸ் வங்கி சுமார் ரூ.3,000 கோடி கடன் அளித்தது.

இந்தக் கடன் சட்டவிரோதமாக அந்தக் குழுமத்தின் பல நிறுவனங்கள் மற்றும் போலி நிறுவனங்கள் ஆகியவற்றுக்குப் பரிவர்த்தனை செய்யப்பட்டுள்ளது.