கீழடி அகழாய்வு அறிக்கையை வெளியிட மத்திய அரசை வலியுறுத்தி உள்ளோம்

கீழடி அகழாய்வு அறிக்கையை மத்திய அரசு வெளியிட வேண்டும் என ஞாயிற்றுக்கிழமை நடைபெற்ற அனைத்துக் கட்சிக் கூட்டத்தில் வலியுறுத்தி உள்ளோம் என்று மக்களவை திமுக குழுத் தலைவர் டி.ஆர்.பாலு கூறினார்.

- நமது நிருபர்

புது தில்லி, ஜூலை 20:

நாடாளுமன்ற மழைக்கால கூட்டத் தொடர் திங்கள்கிழமை (ஜூலை 21) தொடங்க உள்ள நிலையில் ஞாயிற்றுக்கிழமை தில்லியில் அனைத்துக் கட்சிக் கூட்டம் நடைபெற்றது. இக்கூட்டத்திற்குப் பின்னர் செய்தியாளர்களைச் சந்தித்த டி.ஆர்.பாலு கூறியதாவது: நாடாளுமன்ற மழைக்கால கூட்டத்தொடரில் பேச வேண்டிய பொருள்கள், அரசின் பதிலை பெறுவதற்கான கருத்துரைகள் ஆகியவற்றை திமுக சார்பில் கூட்டத்தில் எடுத்துவைத்தோம்.