புலம்பெயர் தொழிலாளர்கள் வலுக்கட்டாயமாக வெளியேற்றம்: மஹுவா மொய்த்ரா கண்டனம்

மேற்குவங்கத்தைச் சேர்ந்த புலம்பெயர் தொழிலாளர்களை வலுக்கட்டாயமாக வெளியேற்றிய சத்தீஸ்கர் மாநில காவல் துறைக்கு திரிணமூல் காங்கிரஸ் எம்.பி. மஹுவா மொய்த்ரா செவ்வாய்க்கிழமை கண்டனம் தெரிவித்தார்.

- 

கொல்கத்தா, ஜூலை 15:

குடிமக்கள் நாட்டுக்குள் சுதந்திரமாக நடமாாடவும் எங்கு வேண்டுமானாலும் பணிகளை மேற்கொள்ளவும் உரிமைகளை வழங்கும் இந்திய அரசமைப்புச் சட்டம் அடிப்படை உரிமைகள் விதி 19-ஐ மீறி சத்தீஸ்கர் காவல் துறை செயல்பட்டதாகவும் அவர் குற்றஞ்சாட்டினார்.

மேற்கு வங்கத்தின் நாடியா மாவட்டத்தில் உள்ள கிருஷ்ணாநகர் மக்களவைத் தொகுதியைச் சேர்ந்த 9 பேர் வேலை தேடி சத்தீஸ்கர் சென்றுள்ளனர். அவர்களை கொண்டாகான் என்ற பகுதியில் சத்தீஸ்கர் காவல் துறை கைது செய்தது. பிறகு அவர்கள் விடுவிக்கப்பட்டு மேற்கு வங்கத்துக்கு வலுக்கட்டாயமாக அனுப்பி வைக்கப்பட்டதாக கூறப்படுகிறது.