தஞ்சாவூரில் இன்று 2.25 லட்சம் பயனாளிகளுக்கு நலத்திட்ட உதவிகள்

தஞ்சாவூரில் திங்கள்கிழமை (ஜூன் 16) நடைபெறும் அரசு விழாவில் தமிழக முதல்வர் மு.க.ஸ்டாலின் பங்கேற்று ஏறத்தாழ 2.25 லட்சம் பயனாளிகளுக்கு நலத்திட்ட உதவிகளை வழங்கவுள்ளார்.

- 

தஞ்சாவூர், ஜூன் 15:

தமிழக முதல்வர் மு.க. ஸ்டாலின் தஞ்சாவூர் மாவட்டத்துக்கு 2 நாள் பயணமாக ஞாயிற்றுக்கிழமை பிற்பகல் வந்தார். கல்லணையை டெல்டா பாசனத்துக்காக திறந்து வைத்த அவர், இரவு தஞ்சாவூருக்கு வந்தார். அவருக்கு தமிழ்ப் பல்கலைக்கழகம் அருகே திமுக நிர்வாகிகள் வரவேற்பு அளித்தனர்.

இதையடுத்து, நடைபயணமாக சென்று மக்களைச் சந்தித்து, பழைய பேருந்து நிலையம் அருகே அமைக்கப்பட்டுள்ள முன்னாள் முதல்வர் மு. கருணாநிதி சிலையைத் திறந்து வைத்தார். பின்னர், ஓய்வு எடுப்பதற்காக சுற்றுலா மாளிகைக்குச் சென்றார்.