இஸ்ரேல் விமான நிலையம் அருகே ஏவுகணைத் தாக்குதல்

அபுதாபி திரும்பிய இந்திய விமானம்

- 

டெல் அவிவ்/ புது தில்லி, மே 4: இஸ்ரேலின் டெல் அவிவ் நகரில் அமைந்த பென் குரியன் சர்வதேச விமான நிலையம் அருகே யேமனிலிருந்து ஹூதி அமைப்பினர் ஏவுகணைத்தாக்குதல் நடத்தியுள்ளனர். இதில் 4 பேர் காயமடைந்தனர்.

இந்தத் தாக்குதலையடுத்து, தில்லியிலிருந்து டெல் அவிவ் நோக்கி ஞாயிற்றுக்கிழமை காலை புறப்பட்ட ஏர் இந்தியா விமானம் நடுவானில் திருப்பிவிடப்பட்டு அபுதாபியில் தரையிறங்கியது.

கடந்த 2023-ஆம் ஆண்டு அக்டோபர் முதல் தீவிரமாக நடந்துவரும் இஸ்ரேல்-ஹமாஸ் மோதலில் பாலஸ்தீனர்களுக்கு ஆதரவாக இஸ்ரேலை ஈரான் ஆதரவு பெற்ற ஹூதி அமைப்பினர் தாக்கி வருகின்றனர்.