சிறியோரை இகழ்தல்

"பெரியோரை வியத்தலும் இலமே; சிறியோரை இகழ்தல் அதனினும் இலமே" என்னும் கணியன் பூங்குன்றனாரின் பாடல் வரியில், "அதனினும்" என்னும் சொல்லை கவனியுங்கள். "சில பெரியோரை வியக்கவும் வேண்டும்; ஆனால், சிறியோரை இகழ்தல், நடக்கவே கூடாத ஒன்று" என்னும் விளக்கம் அந்தச் சொல்லில் அடங்கி உள்ளது.

- வழக்குரைஞர் த.இராமலிங்கம்

"பெரியோரை வியத்தலும் இலமே; சிறியோரை இகழ்தல் அதனினும் இலமே" என்னும் கணியன் பூங்குன்றனாரின் பாடல் வரியில், "அதனினும்" என்னும் சொல்லை கவனியுங்கள். "சில பெரியோரை வியக்கவும் வேண்டும்; ஆனால், சிறியோரை இகழ்தல், நடக்கவே கூடாத ஒன்று" என்னும் விளக்கம் அந்தச் சொல்லில் அடங்கி உள்ளது. "சிறியோர்" என்று குறிக்கப்படும் நிலைமை ஒருவருக்கு எப்போது ஏற்படும்? வயது, ஏழ்மை, அறியாமை, பதவி, அதிகாரம், பிறப்பால் ஒருவருக்கு சமுதாயம் விதித்துள்ள ஏற்றத்தாழ்வு இப்படி பல காரணங்கள் உண்டு. பெருந்தன்மை உடைய எவரும், பிறரைச் சிறியோராக எண்ணி மரியாதைக் குறைவாக நடத்துவது இல்லை. பொருத்தமான இடத்தில், உயர்ந்த கருத்துகளுடன் இந்தச் சிந்தனையைக் கம்பன் வலியுறுத்துகிறான்.