ஸ்கேன் மையத்தில் பாலினம் கண்டறிந்த விவகாரம் கருக்கலைப்பு செய்த 2 மருத்துவமனைகளை மூட உத்தரவு

ஸ்கேன் மையத்தில் பாலினம் கண்டறிந்த விவகாரத்தில் சேலத்தில் கருக்கலைப்பு செய்த 2 மருத்துவமனைகளை மூட சுகாதாரத் துறை அதிகாரிகள் உத்தரவிட்டுள்ளனர்.

- 

சேலம், மார்ச் 1:

சேலம், வீராணம் கோழிப்பண்ணை பேருந்து நிறுத்தம் அருகே செயல்பட்டு வந்த தனியார் ஸ்கேன் மையத்தில் விதிகளை மீறி கருவில் உள்ள குழந்தைகளை பரிசோதனை செய்து தெரிவித்து வருவதாக புகார்கள் வந்தன.

குறிப்பாக கிருஷ்ணகிரி மாவட்டத்தில் இருந்து இடைத்தரகர்கள் மூலமாக பெண்களை அதிக அளவில் அழைத்து வந்து இந்தச் செயலில் ஈடுபடுவதாக புகார் எழுந்தது. இதையடுத்து கிருஷ்ணகிரி மாவட்ட சுகாதாரத் துறை அதிகாரிகள், வாழப்பாடி அரசு மருத்துவமனை தலைமை மருத்துவர் ரமேஷ் குமார் தலைமையிலான குழுவினர், அந்த ஸ்கேன் பரிசோதனை மையத்தில் ஆய்வு செய்தனர்.