ஏற்றுமதி ஊக்குவிப்புத் திட்டம்: மேலும் 7 நடவடிக்கைகள் அறிவிப்பு

நாட்டில் ஏற்றுமதியை ஊக்குவிக்கும் திட்டத்தின்கீழ், இணையவழி வர்த்தக ஏற்றுமதியாளர்களுக்கான கடனுதவி உள்பட மேலும் 7 நடவடிக்கைகளை மத்திய அரசு வெள்ளிக்கிழமை அறிவித்தது.

- 

ரூ.25,060 கோடி மதிப்பீட்டில் 10 முக்கிய அம்சங்களுடன் கூடிய ஏற்றுமதி ஊக்குவிப்புத் திட்டத்துக்கு மத்திய அமைச்சரவை கடந்த ஆண்டு ஒப்புதல் வழங்கியது. மத்திய வர்த்தக அமைச்சகம், சிறு-குறு-நடுத்தர தொழில்துறை அமைச்சகம், நிதியமைச்சகம், இந்திய ஏற்றுமதி-இறக்குமதி வங்கி, ஒழுங்குபடுத்தப்பட்ட பிற கடனளிப்பு நிறுவனங்கள் உள்ளிட்டவை ஒருங்கிணைந்து செயல்படுத்தும் இத்திட்டத்தின்கீழ், கடந்த ஜனவரியில் மூன்று நடவடிக்கைகள் தொடங்கப்பட்டன.

இந்நிலையில், மேலும் 7 நடவடிக்கைகள் மத்திய வர்த்தகம் அமைச்சகம் சார்பில் வெள்ளிக்கிழமை அறிவிக்கப்பட்டன.