வன்னியர் சங்க அலுவலகத்துக்கு பூட்டு: ராமதாஸ்-அன்புமணி ஆதரவாளர்கள் மோதல்

திண்டிவனத்தில் வன்னியர் சங்க அலுவலகத்துக்கு பூட்டுப் போட்ட விவகாரம் தொடர்பாக, பாமக நிறுவனர் ச. ராமதாஸின் ஆதரவாளர்களுக்கும், அன்புமணி ஆதரவாளர்களுக்கும் இடையே வெள்ளிக்கிழமை வாக்குவாதம், கைகலப்பு ஏற்பட்டது.

- 

விழுப்புரம், செப். 12:

திண்டிவனத்தில் வன்னியர் சங்கக் கட்டடம் உள்ளது. இந்த அலுவலகத்தில் 1987-ஆம் ஆண்டு இட ஒதுக்கீடு போராட்டத்தில் உயிர் நீத்த 21 தியாகிகளுக்கு ஆண்டுதோறும் செப். 17-ஆம் தேதி பாமக நிறுவனர் ராமதாஸ், அன்புமணி ஆகியோர் அஞ்சலி செலுத்துவது வழக்கம்.

இதன்படி, நிகழாண்டில் வரும் 17-ஆம் தேதி நடைபெறவுள்ள அஞ்சலி செலுத்தும் நிகழ்வுக்கான ஏற்பாடுகளை அன்புமணி ஆதரவாளர்கள் செய்து வந்தனர். இதற்கு எதிர்ப்புத் தெரிவித்த மருத்துவர் ராமதாஸின் ஆதரவாளர்கள், வெள்ளிக்கிழமை அங்கு சென்று வன்னியர் சங்க அலுவலகத்தை பூட்டினர்.